ಅಮಾನುಷವದು ನಿಲ್ಲು .....!!!!

  

                                                                            ಮುಂಜಾನೆಯಲಿ ಬಿರಿದ ಮಲ್ಲಿಗೆ,

ಕೋರಿ ಎನ್ನ ಮುಡಿಯನೇರಿ 
ಘಮ್ಮೆಂದು ನಗುವನು ಬೀರಿ 
ನಲಿವಾಗ, ನೂರು ಕನಸು ಕಟ್ಟಿದೆ ನಾನು ನಾರಿ !
ಕಳೆಬೇಕು ಈ ಕ್ಷಣ ಅವನ ಸೇರಿ !

ಅವನಲ್ಲದ ಅದಾವುದೊ ಕರಿ-ನೆರಳು ಮೂಡುತಿದೆ ಮೆಲ್ಲಗೆ,

ಭೀತಿಯಲಿ ಬಯಲು ದಾರಿ 
ಬಾಡುತಿದೆ ಹಿತ್ತಲಿನ ಬಳ್ಳಿಯ ಸಿರಿ 
ಏರುತಿದೆ ಎದೆಯ ಬಡಿತದ ಪರಿ !
ಅಮಾನುಷ ಬಯಕೆ ಸೇರುತಿದೆ ನನ್ನ ಕೋರಿ !

ಕತ್ತಲನು ಹಂಚದಿರು ಎನ್ನ ಬಾಳಿಗೆ,
                                                              ಮುಡಿದ ಮಲ್ಲಿಗೆಯ ಕೆಡವಬೇಡ 
ತೊಟ್ಟ ಬಳೆಗಳ ಮುರಿಯಬೇಡ 
ನೂರು ಬಯಕೆಯ ನನ್ನೆದೆಯ ನೊಯಿಸಬೇಡ !
 ಜಾಜಿಯಂತ ನನ್ನ ಮುಟ್ಟಬೇಡ !

ನೆನಪಾಗದೇಕೋ   ನಿನಗೆ ಸೋದರಿಯ ಸಂಬಂಧ !!!!!!!