ಉದಯರವಿ ಹರಿಸಿದ ಚೇತನ
ದಿಕ್ಕುಗಳ ಕಣ್ಣು ಮುಚ್ಚಿದ ಕತ್ತಲು
ಬತ್ತ ಆಸೆಗಳು; ಭರವಸೆಯ ಬಿಂದುಗಳು ...
ಏನೇನೋ ಇದೆ ಹೃದಯದ ಕೋಣೆಯಲ್ಲಿ
ಹಿಡಿಯಷ್ಟು ಜೀವದಲ್ಲಿ ....
ಹರಿವ ನದಿಗಳ ನಾದ
ಮುರಿದ ವೀಣೆಯ ವಿಷಾದ
ಹಳಸಿದ ಚಿಂತೆಗಳು; ಅರಳಿದ ಕನಸುಗಳು
ಏನೇನೋ ಇದೆ ಹೃದಯದ ಕೋಣೆಯಲ್ಲಿ
ನೆತ್ತರ ಚಿಲುಮೆಯಲ್ಲಿ ....
ಕದಲಿ ಬದಲಾಗುವ ಋತುಗಳ ಹೊಸತನ
ದೀಪವನ್ನು ಮುತ್ತಿದ ಹುಳುಗಳ ಹುಚ್ಚುತನ
ಮುರಿದ ಕ್ಷಣಗಳು; ಮೆರೆದ ದಿನಗಳು
ಏನೇನೋ ಇದೆ ಹೃದಯದ ಕೋಣೆಯಲ್ಲಿ
ಢವ ಢವ ಡಮರುಕದಲ್ಲಿ ....
No comments:
Post a Comment